कधीच नाही उमगले

कधीच नाही उमगले
नक्की असते काय प्रेम?
आगीत झोकणार्‍या पतंगासारखी
असते का अविवेकी झेप?

:- अजय कोरपे

कातरवेळी तिची शांत सावली

कातरवेळी तिची शांत सावली
आज वेगळीच भासत होती
ती जरी समोर होती
मात्र प्रियसी दिसत नव्हती

:- अजय कोरपे

माझ्या अंगणातला परिजातक

माझ्या अंगणातला परिजातक
केव्हाच सुकून गेला होता
तुझी आठवण करता करता
गंधही हरवून बसला होता

:-अजय कोरपे

दूर जाताना तुला काही देण्यासाठी

दूर जाताना तुला काही देण्यासाठी
माझ्याकडे काहीच शिल्लक नव्हते
म्हणूनच शेवटचे काही अश्रू
तुझ्याच साठी जपून ठेवले होते

:- अजय कोरपे

खळखळाट करणार्‍या झर्‍यासारखी

खळखळाट करणार्‍या झर्‍यासारखी
तू माझ्या जीवनात आलीस
आणि कधीही परत न येणार्‍या
लाटेसारखी कायमची निघून गेलिस

:- अजय कोरपे

इतरांसारखी मला सुद्धा पावसात

इतरांसारखी मला सुद्धा पावसात
भिजण्याची खूप आवड आहे
त्याच दिवशी वर्षभराच सगळ रडून
घेण्याची माझी जगावेगळी सवय आहे
:- अजय कोरपे

आपण दोघे माळेमधले अगदी

आपण दोघे माळेमधले अगदी
आजु-बाजूचे मणी होतो
कधी नीट निरखून पहिलेस का?
दोघेही परस्पर भिन्न टोकावर होतो

:-अजय कोरपे

आयुष्यात भेटणार्‍या सर्वच जणांना

आयुष्यात भेटणार्‍या सर्वच जणांना
मित्र म्हणून मानता येत नसत
संकटाच्या वेळी जे साथ सोडत नसतात
त्याना कधीच विसरता पण येत नसत

:- अजय कोरपे

माणसानी खरच कधीतरी

माणसानी खरच कधीतरी
दुसर्‍यांसाठी जगल पाहिजे
सूर्या एवढ जरी जमल नसल
ज्योती एवढ तरी जळल पाहिजे

:- अजय कोरपे

मीही आजकाल थोडा उपाशी

मीही आजकाल थोडा उपाशी
राहण्याचा प्रयत्न करतोय
माझ्या ताटातील एक घास
दुसर्‍यांसाठी बाजूला करतोय

:- अजय कोरपे

माझ्या विरुद्ध वाहणार्‍या वार्‍याची

माझ्या विरुद्ध वाहणार्‍या वार्‍याची
मला खूप चीड आली होती
नंतर माझे मलाच उमजले की
दिशा तर मीच बदलली होती ना ! ! !

:- अजय कोरपे

वाटल, उभी असशील वाट पाहत

वाटल, उभी असशील वाट पाहत
तू माझी पुढच्या वळणावर
मीही वळणे घेत राहिलो
सोडूनि सगळ सरणावर

:- अजय कोरपे

तू दूर गेलीस म्हणून मी

तू दूर गेलीस म्हणून मी
आसवे गाळत बसणार नाही
एक लाट ओसरली म्हणून
दुसरी यायची थांबणार नाही

:- अजय कोरपे

जस पाणी घेऊन निघालेले ढग

जस पाणी घेऊन निघालेले ढग
कधीच वाळवंटापर्यंत पोहचत नाहीत
तसच मी पाठवलेले निरोप
कधीच तिच्या पर्यंत पोहचत नाहीत

:- अजय कोरपे

आकाशाला गवसणी घालण्याच धाडस

आकाशाला गवसणी घालण्याच धाडस
आयफेल टॉवरने सुद्धा दाखवल
त्याच्या सर्वोच्च्य टोकाहून सुद्धा
आभाळ आहे तेवढच दूर वाटल.....

:- अजय कोरपे

मुसळधार पावसात गारा वेचताना

मुसळधार पावसात गारा वेचताना
तुझ्याच आठवणी येत होत्या
आणि जेव्हा भानावर आलो
तेव्हा गाराही वितळल्या होत्या

:- अजय कोरपे

आयुष्याच्या एका वळणावर

आयुष्याच्या एका वळणावर
जेव्हा तुझी माझी भेट झाली
मला असे वाटले माझ्या
सात जन्माची कोडी सुटली

:- अजय कोरपे

आता मला लागले

आता मला लागले
परतीचे वेड
कधी होईल मित्रांशी
माझी भरतभेट

:- अजय कोरपे

पाशणालाही ह्रदय असतं

पाशणालाही ह्रदय असतं
तर, तेही कळवळल असतं
ठेच लागल्यावर
नाहीतर चटका नक्की
लागला असता
गरम रक्त सांडल्यावर

:- अजय कोरपे

किती फरक पडतो ना माणसांत

किती फरक पडतो ना माणसांत
लहानपणि खेळणी तूटल्यावर रडनार पोर
मोठेपणी स्वप्ने तूटल्यावर सुध्धा
हसत हसत वावरत

:- अजय कोरपे